Spurningar - Trúin og lífið

Undirsíður

Skyld svör

Önnur svör

Svör sem birt voru í sama mánuði

Hvað er langt milli páska og hvítasunnu?

Þóra spyr:

Góðan dag!

Er ekki Hvítasunnudagur alltaf 50 dögum eftir páskadag? Smá ágreiningur í vinnunni.

Kveðja,
Þóra

Komdu sæl.

Takk fyrir spurninguna. Það eru 50 dagar frá páskum til Hvítasunnu. Þú finnur upplýsingar um hvítasunnnuna á vef kirkjunnar. Þar segir meðal annars:

"Hvítasunnan er þriðja stórhátíð kristninnar. Með hvítasunnuhátíðinni lýkur páskatímanum. Nú eru liðnar sjö vikur frá páskum, og fimmtíu dagar. Af þeirri ástæðu ber hvítasunnan á mörgum erlendum tungum nafn sem dregið er af gríska orðinu pentecosté (hinn fimmtugasti)."

Bestu kveðjur,
Árni Svanur Daníelsson

3/11 2005 · Skoðað 3258 sinnum

Ummæli frá lesendum

Gretar skrifar:
Hvað ákvarðar á hvaða tíma páskar eru ár hvert og hvers vegna?
Árni Svanur skrifar:
Þetta er góð spurning Grétar. Einar Sigurbjörnsson fjallar um þetta í bókinni Embættisgjörð og þar segir: „Níkeuþingið 325 úrskurðaði, að sú regla skyldi gilda í kirkjunni að halda páska fyrsta sunnudag eftir fyrstu tunglfyllingu eftir jafndægur á vori.“ (135) Þessi tímasetning ákvörðuð út frá hinum gyðinglegu páskum, því vilji var til að halda kristna páska sem næst þeim. Páskar Gyðinga eru haldnir á „fjórtánda degi nisan mánaðar, sem hefst við fyrsta nýja tungl eftir jafndægur á vori.“ (134) Ég vona að þetta svari spurningunni, annars skaltu endilega spyrja aftur.

Langar þig að bera fram spurningu? Gerðu það þá hér.

Þín ummæli

Forsíða · Skoða svarflokka · Höfundar · Leit