Er aðstoð að fá hjá Þjóðkirkjunni fyrir fólk í miklum sambúðarerfiðleikum?

Komdu sæl(l).

Það eru tvær leiðir færar. Annars vegar er hægt að tala við prestinn sinn. Margir prestar hafa mikla reynslu af því að koma að svona málum. Þú finnur upplýsingar um sóknir þjóðkirkjunnar og presta hennar á vef kirkjunnar.

Hins vegar er á vegum Þjóðkirkjunnar rekin Fjölskylduþjónusta sem veitir fólki í sambúðarerfiðleikum ráðgjöf. Þetta er er þjónusta fyrir hjón, fjölskyldur og einstaklinga sem finnst þeir vera í einhvers konar vanda í samskiptum við sína nánustu og finna ekki sjálfir lausn. Síminn hjá þeim er 562 3600.

Gangi þér vel.

Kveðja,
Árni Svanur