Almanak - Trúin og lífið

Morgunlestur: Jes 58.7-12

Þá muntu kalla og Drottinn svara,
biðja um hjálp og hann mun segja: „Hér er ég.“
Ef þú hættir allri undirokun þín á meðal,
hættir hæðnisbendingum og rógi,
réttir hungruðum það sem þig langar sjálfan í
og seður þann sem bágt á,
þá rennur ljós þitt upp í myrkrinu
og niðdimman kringum þig verður sem hábjartur dagur.

Kvöldlestur: Matt 6.1-4

Þegar þú gefur ölmusu skaltu ekki láta þeyta lúður fyrir þér eins og hræsnarar gera í samkunduhúsum og á strætum til þess að hljóta lof af mönnum. Sannlega segi ég yður, þeir hafa tekið út laun sín.
En þegar þú gefur ölmusu viti vinstri hönd þín ekki hvað sú hægri gerir 4svo að ölmusa þín sé í leynum og faðir þinn, sem sér í leynum, mun umbuna þér.

Bæn

Drottinn minn og Guð minn. þú veist hvað bíður mín á þessum degi. Allt það fel ég þér í trausti til náðar þinnar og handleiðslu. Gef mér þann styrk sem ég þarfnast til að mæta því sem að höndum ber og vinna störf mín af alúð og gleði. Upplýs mig, að ég sjái þig í þeim sem á vegi mínum verða í dag, og geti orðið þeim lífsmark frá þér. Og Drottinn, þótt ég í önnum dagsins gleymi þér, gleymdu þá ekki mér. Vernda og blessa hvert fótmál mitt, andartak og æðaslag. Fyrir Jesú Krist, Drottin minn og frelsara. Amen.

Sálmur (sb. 22)

Í dagsins iðu, götunnar glaumi,
greinum vér þig með ljós þitt og frið.
Hvar sem ein bæn er beðin í hljóði,
beygir þú kné við mannsins hlið.
(Sigurbjörn Einarsson)

Minnisvers vikunnar

Kristur segir: „Allt sem þér gerðuð einum minna minnstu bræðra, það hafið þér gert mér.“ (Matt 25.40b)

Yfirlit

Um almanakið

Í almanakinu er ein síða fyrir hvern dag ársins. Hér finnur þú lestra dagsins, sálmvers og bænir auk fróðleiks. Þú getur skráð þig á póstlista til að fá texta dagsins senda á hverjum morgni. Staðfesting um skráningu er send í tölvupósti.