Hvað er signingin?

Signingin er játning þess, að þú ert helgaður Kristi, krossfesta og upprisna, minning þess að þú ert skírður í nafni heilagrar þrenningar og Guðs eign í lífi og dauða. Því skaltu signa þig kvölds og morgna að minnsta kosti og kenna barninu þínu að gera það.

Signingin er þannig: Þú gerir krossmark fyrir þér með því að snerta hægri hendi enni þitt og brjóst og færa síðan höndina þvert yfir barminn frá vinstri til hægri.

Um leið og þú gerir þetta segir þú: í nafni Guðs, föður (enni) og sonar (brjóst) og heilags anda (barmur um þvert). Amen.

Í gömlu bænaversi segir:

Ég legg nú saman augun mín
í Guðs nafni og trausti,
signi mig heilög höndin þín,
hirðirinn góði og hrausti.
Signdu fólkið og signdu hús,
signing þessi oss hlífi,
og illt út drífi.
Signing þín, sæti Jesús,
signuð yfir oss blífi.