Góðan dag,

Við erum par búsett erlendis og erum að hugsa um að gifta okkur þar ( erum á ítalíu). Einhver var að segja okkur að það gæti verið aðeins flóknara en ég geri ráð fyrir. Ef ítalskur prestur giftir okkur er það sammþykkt heima og hvað ef ég fæ íslenskan prest hingað út vitið þið eitthvað hvernig ég á að snú mér í þeim málum. Meiga þeir fara í hvaða kirkju sem er?

Kærar þakkir
Thelma

Sæl Thelma.

Þessu er til að svara að ekki gilda sömu lög um hjúskaparstofnun á Íslandi og Ítalíu. Hér hafa prestar leyfi til að gefa saman í umboði ríkisins og framkvæma þannig lögformlegan gerning, en það hafa prestar ái Ítalíu ekki.
Þar sem gifting hjá ítölskum presti er ekki lögformlegur gerningur á Ítalíu hefur það ekki heldur gildi hér á landi. Borgaraleg gifting á Ítalíu hefur hinsvegar fullt gildi hér eins og annarsstaðar.
Til þess að gifting ykkar á Ítalíu hafi gildi þurfið þið þess vegna fyrst að gifta ykkur borgaralega og svo getið þið haldið kirkjubrúðkaup. Engu skiptir í þessu efni hvort íslenskur prestur er viðstaddur vegna þess að lögformlegt umboð þjóðkirkjupresta gildir einungis innan íslenskrar lögsögu.
Hvað varðar síðasta hluta spurningarinnar þá er það svo að ítalskir prestar hafa engar skyldur nema við þær kirkjur sem þeir starfa í. Þar sem ég geri ráð fyrir að spyrjandinn tilheyri hinni evangelisk-lúthersku kirkju yrði því að velja kirkju og prest í ljósi þess. Í flestum stærri borgum Ítalíu eru starfandi slíkir söfnuðir, en það takmarkar auðvitað úrval kirknanna.

Sjálfsagt er að svara fleiri spurningum um þetta efni, sem líklegt er að vakni við þetta svar.
Kærar kveðjur, Kristján Valur