Trúin og lífið
Spurningar

Undirsíður

Önnur svör

Svör sem birt voru í sama mánuði

  1. Hvert er álit kirkjunnar á dýrlingadýrkun?
  2. Hvaða afstöðu hefur kirkjan gagnvart kraftaverkum?
  3. 10 messur fermingarbarna
  4. Hver er staða kynjanna í kristnu samfélagi?
  5. Hvernig er fermingin hugsuð?
« Hvaða afstöðu hefur kirkjan gagnvart kraftaverkum?
Hvert er álit kirkjunnar á dýrlingadýrkun? »

Má fermast á hvaða aldri sem er?

Björk spyr:

Getur maður fermst á hvaða aldri sem er?

Sigurður Grétar Sigurðsson svarar:

Sæl Björk og takk fyrir spurningu þína.

Í okkar kirkju ríkir sú hefð að unglingar fermist við lok 8. bekkjar. Það er þó ekkert skilyrði og mörg dæmi um það að unglingar fermist amk. ári fyrr eða eitthvað seinna. Stundum er það vegna þess að systkini fermast saman. Almenna reglan er þó sú að manneskja fermist ekki nema að hafa lokið fermingarfræðslu á vegum kirkjunnar. Sú fræðsla fer formlega fram í 8. bekk.

Á þeim aldri er gengið út frá því að fermingarbörnin hafi aldur og þroska til að taka þessa afstöðu sem fermingin er, þ.e. hafi þroska til að ákveða hvort þau vilji gera Jesú krist að leiðtoga lífs síns. Nokkur dæmi þekki ég einnig um að fullorðið fólk hafi fermst þó þau hafi e.t.v. ekki fermst með hópi af unglingum.

Ég vona að þetta svari spurningu þinni nægilega vel.

Kveðja,
Sigurður Grétar,
prestur á Hvammstanga

28/11 2005 · Skoðað 2581 sinnum

Ummæli frá lesendum

  1. Tinna skrifar:
    má ég þá semsagt ekki fermast 70 ára?
  2. Matthias Ásgeirsson skrifar:
    Samkvæmt landslögum [http://www.althingi.is/lagas/131b/1759255.html, http://www.althingi.is/lagas/131b/1827233.html] segir að börn megi ekki fermast fyrr en þau eru orðin fullra fjórtán ára þar sem börn "sem yngri eru, kunna sjaldan að meta rétt". ["Það skal vera aðalregla, að prestar megi eigi taka börn til fermingar, þau er fermast eiga, fyrr en þau eru orðin fullra 14 eða 15 ára"] Er ástæða fyrir því að Þjóðkirkjan hunsar landslög og fermir stóran hluta íslenskra barna áður en þau hafa náð fjórtán ára aldri?
  3. Guðmundur Guðmundsson skrifar:
    Hvers vegna miðast fermingaraldur ekki við sjáfræðisaldur? Nefna má að bifreiðaprófsaldur er sautján ár, tóbakskaupaaldur er átján, og verslunarleyfi í áfengisverslun fæst um tvítugt. Börn á aldrinum 13 til 14 ára eiga ýmsa leiðtoga, flesta lítt kristilega. Það leikur enginn vafi á að fæst eru þau tilbúin að játast einum um allan aldur og ævi, báðum megin grafar. Af hverju velur Þjóðkirkjan þennan aldur fremur en annan, fyrr eða seinna?

Langar þig að bera fram spurningu? Gerðu það þá hér.

Þín ummæli

Nafn:
 
Netfang:
 
Ummæli:
 

Forsíða · Skoða svarflokka · Höfundar · Leit

Pistlar
Postilla
Almanak
Spurningar