Ég er að leita að lögum eins og „Á sandi byggði heimskur maður hús“ og þessum lögum sem maður syngur í sunnudagskólanum. Ég ætla að fara með dóttur mína þangað og langar til að kenna henni nokkur lög fyrst :) Hvar get ég nálgast þessi lög? Er til einhver geisladiskur og hvert er þá nafnið á honum? Ég vona að þið getið svarað mér :)

Kveðja, Inga

Komdu sæl Inga.

Mér er ekki kunnugt um að þessi lög séu aðgengileg á netinu. Skálholtsútgáfan, sem er útgáfufélag Þjóðkirkjunnar, hefur gefið út geisladisk með 42 lögum úr sunnudagaskólanum. Það er líka að finna texta laganna. Diskurinn heitir "Ég get sungið af gleði" og fæst meðal annars í Kirkjuhúsinu á Laugavegi 31. Þar kostar hann 1990 krónur.

Bestu kveðjur,
Árni Svanur