Hæ.

Ég er með eina spurningu: Er leyfilegt að hafa altarisgöngu í brúðkaupi? Og ef það er leyfilegt, hvers vegna ætti maður þá að gera það?

Kær kveðja,
Guðrún

Sæl Guðrún og takk fyrir mjög áhugaverða spurningu.

Já, það er leyfilegt að vera með altarisgöngu í brúðkaupi. Ég held að fólk biðji um altarisgöngu við þessi tímamót lífsins sem hjónavígsla er geri það af trúarlegum ástæðum sem á sér rætur að rekja til skilnings og upplifunnar þess sjálfs á mikilvægi altarisgöngunnar í trúarlífi þess sjálfs.

Altarisgangan er annað af tveimur sakramentum kirkjunnar (hitt er
skírnin) þar sem leyndardómur trúarinnar kemur sterkt fram.

Við göngum til altaris til þess að gera það sem Jesús bauð okkur þ.e að taka á móti víni og brauði í hans minningu. Leyndardómurinn er þessi að Jesús hefur lofað að vera sérstaklega nálægur þegar við komum saman til að endurtaka kvöldmáltíðina sem hann átti með lærisveinum sínum á skírdagskvöld.
Við altarið hendum við af okkur öllum okkar byrgðum, öllum áhyggjum og raunum, fáum fyrirgefningu á öllu því ranga sem við höfum meðvitað og ómeðvitað gert, hugsað eða talað, göngum svo hrein á líkama og sál út í hversdaginn sem nýjar manneskjur, endurnærð til góðra verka.

Kær kveðja,
Arna