Halló, ég er með eina stutta spurningu: Hvað merkja orð Jesú þegar hann segir: "Hvar sem tveir eða þrír eru samankomnir og samhuga í mínu nafni, þar er ég mitt á meðal þeirra"? Takk fyrir svarið, Tómas

Þessi orð úr 18. kafla Matteusarguðspjalls hljóma svo í nýrri þýðingu Biblíunnar:

“Því að hvar sem tvö eða þrjú eru saman komin í mínu nafni þar er ég mitt á meðal þeirra.”

Í framhaldi af því er hægt að segja að með því að eiga bræður og systur sem við getum verið samhuga og sammála um að biðja Jesúm um eitthvað þá þýðir það líka að við getum safnast saman með þessum systkinum okkar. Um leið og við eigum þannig samfélag með trúsystkinum þá eigum við líka loforð Jesú um að hann er nálægur í þessu samfélagi með blessun sína og nærveru. Þetta samfélag getur myndast hvar sem er, hvenær sem er. Með þessu versi úr Biblíunni erum við minnt á það að það er eitthvað eftirsóknarvert við að eignast þannig systkin í Kristi sem eru okkur samhuga og við erum hvött til að sækjast eftir þvi eins og við gerum t.d, í kirkjunni þegar við hittumst þar, biðjum saman og ræðum saman og þar mitt á meðal okkar er Kristur sem við sjáum ekki en er nálægur og heyrir bænir okkar, samtalið og skynjar samhug okkar.