Hvernig getur Guð verið allstaðar?
Fermingarbarn spyr:
Hvernig getur Guð verið allstaðar?
Kristján Valur Ingólfsson svarar:
Við erum vön að hugsa okkur allt eftir mannlegum mælikvarða.
Enginn maður getur verið nema á einum stað í einu. Við hugsum um Guð á mannlegan hátt, eins og um mann væri að ræða. Við tölum um hönd Guðs, um fingur Guðs, um auglit (andlit) Guðs. Vegna þessa þykir okkur erfitt að gera okkur í hugarlund að Guð geti, frekar en maður, verið allsstaðar, þ.e. á mörgum stöðum í senn.
Ég veit ekki hvernig hann getur það. Það veit enginn. Reynsla okkar sýnir bara að þessi fullyrðing er rétt, - að hann heyrir og framkvæmir á mörgum stöðum samtímis.
26/4 2004 · Skoðað 5600 sinnum
Ummæli frá lesendum
- Hjörtur Birgisson skrifar:
Ég mundi vilja bæta aðeins inní, að Guð er andi sem er óháður tíma og rúmi og svo miklu stærri en við getum gert okkur nokkra hugmynd um. Þar sem að Hann er í eilífðinni, er Hann jafnt í þátíð, nútíð og framtíð og því þess megnugur að vera alls staðar og allt um kring. Þetta er samt eitthvað sem okkur er ómögulegt að skilja með okkar mannlega skilningi, enda er ekki ætlast til þess af okkur. Okkur er bara ætlað að trúa. Það má vera að fólki finnist það vera frekar mikil einföldun á málinu, en það er það stórkostlega við Guð almáttugann. Eins og Hann er stór og mikill er allt svo einfallt sem Hann býður okkur mönnunum. Við þurfum bara að taka við Honum og trúa. Hann sér um rest. - Ulrica skrifar:
Enhver sagði við mig er ég spurði af þessu (hvernig getur guð verið alstaðar?) Hugsaðu þér að þú sert Guð með lítinn bolta í hendisem þú getir snúið og skoðað lífið sem á honum býr.
Svo stór er guð. Kveðja Ulrica. - Gummi skrifar:
Hvers vegna ætla ég að fermast?
Langar þig að bera fram spurningu? Gerðu það þá hér.
Þín ummæli
Forsíða ·
Skoða svarflokka ·
Höfundar ·
Leit