Trúin og lífið
Lífið og tilveran

Eftir sama höfund

Skyldar færslur



Leita

Sigurður Árni Þórðarson

Skálholt þarfnast greiningar!

Miklir staðir þjóna ýmsum og jafnvel ólíkum markmiðum. Skálholt er
þannig staður, hefur mismundi áhrif á fólk, sem hefur því ólíkar
skoðanir um hlutverk staðarins. Mér sýnist Skálholt jafnvel líða fyrir
misvísandi hlutverk og skort á forgangsröðun. Nú er unnið að
stefnumörkun staðarins og það veitir tilefni til að skilgreina
hlutverk Skálholts til framtíðar.

Hver eru hlutverkin, sem Skálholt hefur eða gegnir? Í fyrsta lagi er
það táknstaður þykkrar sögu og tengist flestu í menningu Íslendinga.
Skálholt er einnig tónlistarvettvangur. Kirkjuhúsið er ómundur og
hentar lágstemmdri tónlist og tónlist fyrir katedralhljóm. Innlendir
og útlendir ferðamenn fjölmenna í Skálholt, sem er hentugur
áfangastaður á gullna hringnum. Safnið, kryddreitirnir við skólann og
Þorláksbúð þjóna t.d. ferðamönnum auk kirkjunnar. Skálholt er staður
fegurðar, hrífandi augnhvíla og sunnlensk sjónarrönd, sem verður hvað
stórkostlegust þegar regnbogar teikna friðartákn á himininn yfir
staðnum. Þá verður kirkjan sannkölluð dómkirkja regnbogans. Í
Skálholti er biskupsstóll og prestssetur. Skálholt er að auki
pílagrímastaður og menningar- og fræðslu-miðstöð kirkjunnar. Svo er
Skálholtskirkja sóknarkirkja, þjónustuhelgidómur uppsveita Árnessýslu
og dómkirkja.

Skálholtshlutverkin eru mörg og ekki öll talin. En hvert þeirra er
mikilvægast? Að mínu viti er það hlutverk helgistaðarins. Mikilvægasta
hlutverk Skálholts er trúarlegt, að miðla nálægð og umhyggju Guðs.
Skipulag, uppbygging, fjárnotkun og rekstur staðarins ætti að lúta því
aðalmarkmiði. Þá getur Skálholt verið sú andlega aðveitustöð, sem
helgur staður á að vera. Skálholt kemur til.

Um höfundinn



Ein viðbrögð við “Skálholt þarfnast greiningar!”

  1. pb.annáll.is - » Skálholt – staður sem skiptir máli skrifar:

    […] Ég hvet fólk til að lesa pistil Sigurðar. […]

Allur réttur áskilinn © 2000-2006 Þjóðkirkjan. Flettingar 3389.


Pistlar
Postilla
Almanak
Spurningar