Trúin og lífið
Lífið og tilveran

Eftir sama höfund

Skyldar færslur



Leita

Stefán Már Gunnlaugsson

Dagur tækifæris

aeskulydsdagur450.jpgÆskulýðsdagur Þjóðkirkjunnar er næstkomandi sunnudag, 4. mars. Tilgangur dagsins er að helga einn sunnudag á ári börnum og unglingum þar sem þau eru í forgangi. Unga fólkið setur svip sinn á helgihaldið með lifandi þátttöku. Gróskan, krafturinn og leikgleðin í barna- og unglingastarfi kirkjunnar blómstrar á þessum degi og víða er búið að leggja mikið í undirbúning fyrir þennan dag.

Æskulýðsdagurinn er sóknarfæri. Tækifæri fyrir okkur sem störfum í kirkjunni til að vekja athygli á öflugu æskulýðsstarfi kirkjunnar, þar sem börnin njóta sín og endurspegla hvað þau reyna og læra í kirkjustarfinu og allir eru velkomnir. Jafnræði þar sem börnin og unglingarnir njóta sín er leiðarljósið í starfinu. Þetta gerist ekki nema undir handleiðslu öflugra og velmenntaðra leiðtoga, sem kirkjan nýtur svo góðs af svo víða af því að áhersla hefur verið lögð á leiðtogamenntun í kirkjunni.

Æskulýðsstarfið þarf að kynna með kröftugum hætti svo að gleðin og krafturinn sem býr í börnunum okkar í kirkjunni hafi áhrif sem víðast. Æskulýðsdagurinn er tækifæri til að sýna að framtíðin er björt.

Um höfundinn



Allur réttur áskilinn © 2000-2006 Þjóðkirkjan. Flettingar 2274.


Pistlar
Postilla
Almanak
Spurningar