Trúin og lífið
Lífið og tilveran

Eftir sama höfund



Leita

Karl Sigurbjörnsson

Bæn á baráttudegi gegn einelti

Guð sem elskar öll þín börn jafnt, við biðjum þig fyrir öllum þeim sem líða vegna eineltis og annars ofbeldis í orðum og verkum.

Við biðjum fyrir þeim sem verða fyrir aðkasti og þeim sem finnst þau vera einmana, misskilin, varnalaus, yfirgefin, niðurlægð. Láttu þau finna að þau eru ekki ein, að þú ert þeim hjá, vörn og skjól.

Við biðjum fyrir foreldrum og ástvinum þeirra sem verða fyrir einelti og ofbeldi og finna fyrir varnaleysi og úrræðaleysi sínu andspænis þjáningu barns síns eða ástvinar. Lát þau finna styrk hjá þér.

Við biðjum fyrir þeim sem loka augum og eyrum fyrir ofbeldi og einelti, vek þau, opna augu þeirra.

Já, vek okkur öll til vitundar um neyð og sorg náungans og hugrekki til að koma til hjálpar, vera góð fyrirmynd og leggja okkar að mörkum til að vinna bug á því samfélagslega böli sem einelti er.

Fyrir Jesú Krist, Drottin vorn.

Um höfundinn



Ein viðbrögð við “Bæn á baráttudegi gegn einelti”

  1. Dagur gegn einelti – kirkjuklukkum hringt | Þjóðkirkjan skrifar:

    […] Í bréfi sem var sent til þjóðkirkjufólks í síðustu viku hvatti Karl Sigurbjörnsson, biskup Íslands, til þess að þjóðarsáttmálinn væri kynntur og að skrifað væri undir hann. Hann hefur líka samið bæn fyrir þeim sem líða vegna eineltis og annars ofbeldis sem birtist á vefnum Trú.is í dag. […]

Allur réttur áskilinn © 2000-2006 Þjóðkirkjan. Flettingar 2387.


Pistlar
Postilla
Almanak
Spurningar