Trúin og lífið
Pistlar


Undirsíður

Eftir sama höfund

Skyldir pistlar

Pistlar á trú.is eru birtir undir fullu nafni höfunda og eru á ábyrgð þeirra.



Leita í pistlum

Kristín Þórunn Tómasdóttir

Já já, ég var einu sinni ung

5. mars 2011

Landsmót æskulýðsfélaga kirkjunnar 2010

Í gamla daga (upp úr 1980) var það afskaplega merkilegt að koma í útvarpið. Þá var nota bene bara ein útvarpsrás á landinu og sjónvarpið tók sér ennþá sumarfrí í júlí og hafði lokað á fimmtudögum. Þess vegna var það svolítið þannig að fólkið í landinu hlustaði mikið til á sömu hlutina. Það sem var í útvarpinu eða sjónvarpinu náði inn á öll heimili.

Samt var þetta ekki efst í huga mér þegar ég var 12 ára og hlustaði hugfangin á upptöku af guðsþjónustu frá æskulýðsdegi þjóðkirkjunnar í stofunni heima. Ég var bara svo glöð að fá að njóta þess sem þessi æskulýðsguðsþjónusta miðlaði til mín í tali og tónum. Stemningin var slík að ég kom mér fyrir í sófanum, með gítarinn í fanginu og spilaði og söng með skemmtilegu æskulýðssöngvunum sem leiknir voru í messunni. Það var gott að þetta undirspil fór fram í skjóli stofunnar heima, því ég var bara nýbúin að eignast gítarinn minn og var ekkert sérlega klár á hann.

Síðan þá hef ég sungið, spilað og verið með í mörgum guðsþjónustum. Það er ekkert skrítið af því að ég hef verið prestur í mörg ár. En æskulýðsstarfið og helgihaldið í kringum það, var það umhverfi sem mótaði mig hvað sterkast í þeim efnum. Það er gríðarlega mikilvægt að fá að vera með í að undirbúa og annast helgihald í kirkjunni sinni þegar maður er ungur. Það eykur traust, gleði og virkni hjá unglingnum og miðlar von og hreinleika æskunnar inn í samfélagið um Guðs orð og borð.

Æskulýðsdagurinn er á sunnudaginn. Þá fer fram ótrúlega mikilvægt starf um allt land, þar sem unglingar leggja hönd á plóg í helgihaldi safnaðarins. Megi kirkjan fá að njóta gjafa unga fólksins þenna dag sem alla daga.

Um höfundinn



Ein viðbrögð við “Já já, ég var einu sinni ung”

  1. Toshiki Toma skrifar:

    Já já, ég var einu sinni ung líka !
    Takk fyrir jákvæða pistilinn :-)

Allur réttur áskilinn © 2000-2017 Höfundar og þjóðkirkjan. Flettingar 2229.


Pistlar
Postilla
Almanak
Spurningar