Trúin og lífið
Pistlar


Undirsíður

Eftir sama höfund

Skyldir pistlar

Pistlar á trú.is eru birtir undir fullu nafni höfunda og eru á ábyrgð þeirra.



Leita í pistlum

Lena Rós Matthíasdóttir

Þjáningin þarfnast orða

3. september 2010

Meðan ég þagði, tærðust bein mín (Sl. 32.3)

Þjáningin þarfnast orða
en einhver verður að grípa orðin,
einhver óttalaus,
óhrædd við sársauka sorgar minnar.
Orðin eru enn þögul
og myndirnar kyrrar.
Þögul og kyrr orð
svo þú getir heyrt tilfinningar mínar.

Orð mín gef ég þér
og í sameiningu rekjum við þau í sundur:
Við málum með þeim
og nýr heimur kemur í ljós
sem við höfum aldrei augum litið.
Orðin eru verkfæri okkar:
full efa, óörugg, leitandi;
frek, æst, reið;
mjúk, ástrík.

Orðin gefa þjáningunni lögun
og hún verður léttbærari,
ég læri að þekkja hana og ráða við hana.
Þjáningin þarfnast orða!
Meðan ég þagði
þá nísti hún mig
en þú opnaðir orðum mínum faðminn.
Ég þarf ekki lengur að þegja.

Nógu lengi hef ég reynt þig.
Treystir þú þér til að taka við orðunum?
Það er líkast því
að feta sig út á þunnan ís
og vita ekki hvort hann heldur,
hvort hann ber yfir djúpið.
Ég beiti fyrir mig broddunum
áður en ég fer lengra
og horfi skelkuð til baka.
En nú veit ég að hann ber mig,
þess vegna miðar mér áfram
og ég hika ekki lengur.
Hann heldur.
Þú heldur.

,,Andardráttur umhyggjunnar“ e. Caroline Krook.

 

Um höfundinn



Allur réttur áskilinn © 2000-2017 Höfundar og þjóðkirkjan. Flettingar 3029.


Pistlar
Postilla
Almanak
Spurningar