Trúin og lífið
Pistlar


Undirsíður

Eftir sama höfund

Skyldir pistlar

Pistlar á trú.is eru birtir undir fullu nafni höfunda og eru á ábyrgð þeirra.



Leita í pistlum

Guðrún Karls Helgudóttir

Þegar það versta af öllu gerist

26. maí 2010

Skuggi af trjám

Þegar það versta af öllu gerist. Þegar það skelfilegasta sem þú getur hugsað þér kemur fyrir náunga þinn þá gerist eitthvað innra með þér.

Þegar maðurinn sem verslar um leið og þú í matinn eða konan sem þú sérð stundum í ræktinni verður fyrir þungbærasta missinum þá gerist eitthvað innra með þér.

Þú getur ímyndað þér sársauka þeirra. En þó ekki alveg, því bara þinn ímyndaði sársauki verður óbærilegur.

Þú átt svo auðvelt með að setja þig í spor þeirra en þú veist ekki hvernig þú átt að sýna þeim það, í einlægni, án þess að virðast hræsnari.

Þú stendur allt í einu frammi fyrir því að þú sjálf gætir orðið fyrir missi, sorg. Ekki bara einhver annar.

Þú veist þetta alveg.

En þér tekst að gleyma því, að útiloka það á venjulegum degi.

Við breytumst þegar það versta af öllu kemur fyrir náunga okkar.

Þá gleymum við græðginni, samkeppninni, reiðinni og lyginni, já og jafnvel minnimáttarkenndinni. Þá langar okkur af öllu hjarta að vera náunganum sannur náungi þó við vitum ekki alltaf hvernig við eigum að fara að því.

Þegar það versta af öllu gerist þá getum við ekki falið okkur lengur og við verðum sönn.

Mikið vildi ég að við gætum verið jafn sönn og fundið til jafn mikillar meðlíðunar þegar náunganum gengur vel og lífið brosir við honum.

Að við gætum verið náunganum sannur náungi, alltaf.

Um höfundinn



2 viðbrögð við “Þegar það versta af öllu gerist”

  1. Lena Rós Matthíasdóttir skrifar:

    Flott vakning á góðum degi, sönnum degi! Vera eins og barn… spyrja, gera, prufa. Upplifa hugrekki, samhyggð og samlíðan (hina sömu og börnum er svo töm), lifa, vera, gera!

    Gleðidagur, sorgardagur, sannurdagur!

    Næra aðra og nærast!

  2. Jón Kristniboði skrifar:

    Það er ágætt að innprennta það sér um 30ára aldur að:

    “Aldrei að elska eða hata neinn að eilífu”.

    Allt er breytingum háð
    =Að vera aldrei of háður neinum.

Allur réttur áskilinn © 2000-2017 Höfundar og þjóðkirkjan. Flettingar 3127.


Pistlar
Postilla
Almanak
Spurningar