Trúin og lífið
Pistlar


Undirsíður

Eftir sama höfund

Skyldir pistlar

Pistlar á trú.is eru birtir undir fullu nafni höfunda og eru á ábyrgð þeirra.



Leita í pistlum

Ármann Hákon Gunnarsson

Devika

6. apríl 2010

Úr kvöldskóla SAM

Devika er 22 ára, einstæð móðir og fyrrum barnaþræll sem Social Action Movement (SAM) á Indlandi leysti úr skuldaánuð. Hún hafði ætlað að klára tólfta bekk sem samsvarar stúdentsprófi á Íslandi, en faðir hennar stoppaði það þar sem hann taldi að hún bæði þyrfti ekki á meira námi að halda og gæti hvort sem er ekkert lært. Erfið veikindi settu líka strik í reikninginn.

Hún náði þó að klára tíunda bekk sem veitir henni ákveðin réttindi og möguleika á betur launuðum störfum og hana langar til þess að mennta sig meira og verða kennari í framtíðinni.

Faðir hennar tók hana úr skóla til þess að gifta hana þegar hún var 17 ára en núna hefur maðurinn hennar yfirgefið hana og barnið og hún veit ekki hvar hann er. Hún býr hjá móðir sinni og hjálpar henni.

Þrátt fyrir mikla fátækt nær hún að leggja um 300 kr. fyrir á mánuði í menntasjóð fyrir barnið sitt og er staðráðin í því að stúlkunnar hennar bíði ekki sömu örlög og hennar. Hún ætlar að gera allt til þess að barnið fái góða menntun og lendi aldrei í því að fara í barnaþrælkun.

Þetta er mögnuð kona með einstaklega sterka og góða nærveru. Hún er sterk og hún segir sögu sína án sjálfsvorkunar þó hún þjáist mikið. Það er eitthvað við sögu hennar og atferli sem hefur haft ótrúlega mikil áhrif á mig. Hún fær mig til þess að vilja gera meira og taka raunverulega þátt í baráttunni fyrir auknum réttindum þeirra sem verst hafa það … líka á Íslandi.

Mig langar til þess að deila með ykkur heima mörgu af því sem við erum að gera hérna, en líka hugmyndum um kirkju og samfélag út frá stundum róttækum gildum um félagslegt réttlæti og pólitískt hlutverk hins trúaða og kirkjunnar.

Það bíður næsta pistils.

Um höfundinn



2 viðbrögð við “Devika”

  1. Árni Svanur Daníelsson skrifar:

    Takk fyrir pistilinn Ármann. Það er magnað að fá innsýn í þetta og gaman að heyra frá dvöl ykkar á Indlandi.

  2. Pétur Björgvin skrifar:

    Áfram Ármann! Við þurfum á fólki eins og þér að halda sem lætur ekki sitja við orðin tóm!

Allur réttur áskilinn © 2000-2017 Höfundar og þjóðkirkjan. Flettingar 3616.


Pistlar
Postilla
Almanak
Spurningar