Trúin og lífið
Pistlar


Undirsíður

Eftir sama höfund

Skyldir pistlar

Pistlar á trú.is eru birtir undir fullu nafni höfunda og eru á ábyrgð þeirra.



Leita í pistlum

Þorvaldur Víðisson

Boltinn rúllar og fordómarnir víkja

27. maí 2008

Hún er ánægjuleg yfirlýsing fyrirliða allra liða í Landsbankadeild karla og kvenna í knattspyrnu. Yfirskrift yfirlýsingarinnar er„Fótbolti án fordóma!“ Knattspyrnumenn vilja nota athyglina í sumar og koma góðum boðskap á framfæri út í samfélagið.

Fótbolti Leikmenn heita því að sýna gott fordæmi í leikjum sumarsins. Það vilja þeir gera með því að koma fram af heiðarleika, níða ekki andstæðinginn og koma í veg fyrir hvers kyns fordóma og dónaskap sem rýrir álit á íþróttinni.

Leikmenn hvetja einnig stuðningsmenn og aðra áhorfendur til að fjölmenna á völlinn í sumar og taka þátt í heiðarlegum og skemmtilegum leik og sýna einnig börnum og unglingum gott fordæmi með framkomu sinni, eins og segir í yfirlýsingunni:„Við hvetjum þá til að sýna gott fordæmi, ekki síst börnum og unglingum, með því að styðja sitt lið með jákvæðum og uppbyggjandi hætti og taka ekki þátt í að níða leikmenn eða sýna þeim fordóma á nokkurn hátt.“

Fótbolti er ein vinsælusta íþrótt landsins og heimsins. Það er gleðilegt þegar leikmenn sýna slíkt frumkvæði eins og fyrirliðar liðanna gera með þessum hætti. Knattspyrnan getur verið spennandi og fjölskylduvæn skemmtun sem sameinar kynslóðir og skapar góðar minningar.

Boltinn brúar einnig menningarheima, þjóðir og trúarbrögð, allir geta verið með og fylgst með. Knattspyrnan er ekki bara keppnisgrein heldur einnig uppeldistæki. Unga kynslóðin fylgist með framgöngu þeirra eldri, ekki aðeins inn á vellinum heldur einnig utan hans. Þegar vel er staðið að málum gerir boltinn samfélagið betra.

Í þeim anda er síðan gaman að mæta á völlinn og hvetja sína menn.

Áfram Breiðablik!

Um höfundinn



Ein viðbrögð við “Boltinn rúllar og fordómarnir víkja”

  1. Páll Júlíusson skrifar:

    Gott fordæmi er fyrirmynd sem við ávalt viljum sjá, sú fyrirmynd sem þú fjallar um er ekki ný af nálinni, en var hrundið af stað af Knattspyrnusambandi Íslands með stuðningi UEFA og Mastercard fyrir all mörgum árum. Myndefni og bæklingar voru framleidd og sett í dreifingu, eru reyndar enn í dreifingu. Ef þú vilt fá myndir til dreifinga komdu þá bara við á skrifstofu KSÍ og þín ósk mun rætast með nokkrum myndum varðandi ofangreint. Einnig finnur þú á heimasíðu KSÍ, www.ksi.is efni um þetta. Það að leikmenn Landbankadeildarinnar, kvenna og karla sérstaklega nefna þetta lýsir hugarfari þeirra. Færi betur ef fleiri gerðu hið sama, það er alt of algengt, í okkar þjóðfélagi, að fordómar séu í fyrirrúmi ýmissa, og þar eru sumir fjölmiðlar ekki undanskyldir.
    Breiðablik er jú gott félag sem hefur gert margt gott í gegnum árin. Sérstaklega sem vagga kvennaknattspyrnunnar á Íslandi.
    Að lokum, áfram KSÍ

Allur réttur áskilinn © 2000-2017 Höfundar og þjóðkirkjan. Flettingar 2615.


Pistlar
Postilla
Almanak
Spurningar