Trúin og lífið
Lífið og tilveran

Eftir sama höfund

Skyldar færslur



Leita

Karl Sigurbjörnsson

Tími vaxtar og þroska

Tími kirkjuársins frá hvítasunnu og til aðventu kallast oft hátíðalausa tímabilið. Það er þá sem reynir á í trúarlífi og iðkun kirkjunnar. Engin sérstök tilefni til guðsþjónustu og tilbreytni, aðeins sunnudagurinn einn.

Kristin trú og kirkja fer ekki í sumarfrí. Trú okkar er ekki tyllidagatrú, ekki hátíðapunt, heldur hversdagstrú. þjóðkirkjan er að starfi vegna þess að Kristur er á ferð og mælir sér móts við mannanna börn. Og að hverju leitar hann? Hann leitar að trú. Að trú sem starfar í kærleika. Trú sem elskar Guð og náungann, biður, vonar, elskar.

„Mun mannssonurinn finna trúna á jörðu þegar hann kemur?“ Spurði Kristur eitt sinn. Það er sársauki og undrun í þeirri spurningu.

Við skulum vera jákvætt svar við þeirri spurn. Og við skulum leitast við að vera þar sem Kristur mælir sér móts við okkur, í bæninni, í orði nýja testamentisins, við altarið, í þjónustunni við þau sem hann kallar sín minnstu systkin, í trúnni, voninni og kærleikanum.

Guð blessi þér sumarið og birtu þess, og gefi þér vöxt og þroska í trú.

Friður í kirkju og frelsi guðlegt ríki,
friður í landi, heift og sundrung víki,
friður í hjarta færi sumargróður,
faðir vor góður! (Fr.Fr. Sb.336)

Um höfundinn



Allur réttur áskilinn © 2000-2006 Þjóðkirkjan. Flettingar 3262.


Pistlar
Postilla
Almanak
Spurningar